Dæmdur fyrir að nauðga fyrrverandi eiginkonu sinni

Hæstiréttur staðfesti dóm Héraðsdóms Vesturlands yfir karlmanni sem nauðgaði fyrrverandi eiginkonu sinni. Maðurinn nauðgaði henni í bíl sínum í febrúar 2009.

Maðurinn neitaði sök og hélt því fram að hún hefði haft við hann samræði með hennar samþykki. Framburður konunnar var stöðugur og að auki styrktu rannsóknir á fötum sem hún var í umrætt kvöld framburðinn.

Í niðurstöðu dóms Héraðsdóms Vesturlands segir meðal annars að maðurinn sé nánast hvorki læs né skrifandi. Greind hans mælist rétt undir meðalgreind, en mikill misstyrkur komi fram milli munnlegrar og verklegrar getu.

Það var tekið með í reikninginn þegar maðurinn var dæmdur, þó var ekki litið framhjá alvarleika brotsins og var hann því dæmdur í tveggja og hálfs árs fangelsi. Dómurinn er óskilorðsbundinn.