Ekið á tvö börn á hjóli

Mikill erill var hjá Slökkviliðinu á höfuðborgarsvæðinu í dag. Sex neyðartilkynningar bárust um svipað leyti síðdegis í dag.

Keyrt var á tvö börn, pilt og stúlku, sem voru á reiðhjólum og voru þau futt með sjúkrabíl á slysadeild Landspítalans.

Ekið var á stúlkuna á Reykjavíkurvegi nálægt Laugardalslaug og fékk hún áverka á kvið. En ekið var á piltinn við Mjóddina. Hann er nú í rannsóknum á Landspítalanum.

Þá datt barn af hjóli í Hlíðunum í Reykjavík og var það flutt á slysadeild til aðhlynningar.

Jafnframt féll maður tvo metra úr stiga í Ármúla og fékk skurð á hnakka.