Krafðist of hárra launa

Paula Abdul, fyrrverandi dómari í American Idol, verður ekki dómari í hæfileikaþættinum Star Search eins og hún hafði vonast eftir. Abdul og framleiðandinn ABC komust ekki að samkomulagi um laun og því fór sem fór.

Óvíst er hvort þessi gamal­gróni þáttur verði framleiddur því ABC hafði treyst mjög á þátttöku Abdul. Á síðasta ári voru henni boðnar fimm milljónir dollara, eða um 600 milljónir króna, fyrir að halda áfram í Idol, sem hún hafnaði. Hún vildi ekki fá lægri laun fyrir Search en ABC var ekki tilbúið að mæta launakröfum hennar.