Medvedev vill til Íslands

Dmitry Medvedev, forseti Rússlands, hefur áhuga á að heimsækja Ísland, meðal annars til að kynna sér árangur Íslendinga við að nýta hreina orku. Þetta kom fram á fundi Medvedevs með Ólafi Ragnari Grímssyni, forseta Íslands í dag.

Að fundinum loknum buðu forsetahjónin í Rússlandi íslensku forsetahjónunum til kvöldverðar, segir í tilkynningu frá forsetaembættinu.

Samkvæmt tilkynningunni ræddi Medvedev það við Ólaf Ragnar hve mikilvægur leiðtogafundur Gorbachevs og Reagans hefði verið.