Vilja upplýsingafulltrúa bótaþega

Borgarafundur um fátækt á Íslandi sem haldinn var í gærkvöldi í ráðhúsi Reykjavíkur leggur til að stofnuð verði staða Upplýsingafulltrúa bótaþega.

Verksvið hans væri að einfalda bótaþegum upplýsingaleit um réttindi þeirra svo þeir þurfi ekki að ganga á milli stofnana til að komast að þvi hver réttur þeirra er.

Myndi fulltrúinn starfa náið með hjálparstofnunum sem hafa góða yfirsýn yfir vandann sem við er að glíma í dag.

Borgarafundurinn krefst þess:

Að starfsmaður þessi verði ráðinn af nefnd fólksins sem njóta myndi þjónustu hans. Að lágmarksframfærsla verði reiknuð út og staðfest opinberlega.

Að allir njóti þeirra réttinda að eiga mat og heimili.