Snarræði lögreglu og nágranna bjargaði miklu

Slökkviliðsmenn segja að það sé snarræði lögreglu og nágranna að þakka að ekki fór verr, þegar eldur kviknmaði í klæðningu utan á Landakotsskóla í Reykjavík um níu leitið í gærkvöldi.

Þar hafði rusl verið dregið saman í húsasundi og kveikt í. Allt slökkvilið á vakt var sent á vettvang, en lögreglu og nágrönnum hafði tekist að halda eldinum í skefjum með handslökkvitækjum og garðslöngu. Einhver reykur barst inn í húsið, sem var reykræst.

Brennuvargarnir eru ófundnir, en þetta er önnur íkveikjan á höfuðborgarsvæðinu í vikunni.