Síldveiðarnar ganga þokkalega

Nokkur fjölveiðiskip eru nú norðaustur af landinu að veiða síld úr Norsk- íslenska síldarstofninum og ganga veiðarnar þokkalega, einkum ef tvö skip draga saman eitt troll.

Makríll á síldarmiðunum er til vandræða hjá þeim skipum, sem eru að verða búin með makrílkvótann, því þau veiða óhjákvæmilega makríl með síldinni.

Algengt er að tíu til tuttugu prósent aflans úr hverju togi sé makríll. Nú eru hátt í 90 þúsund tonn eftir af síldarkvótanum,en margfalt minna af makrílkvótanum.