Reykvískir skólar endurvinna

Leik- og grunnskólar borgarinnar hafa hafið átak til að draga úr magni sorps sem fellur til frá þeim. Þetta verður gert með því að flokka sorp og endurnýta í meiri mæli.

Í greinargerð með þessari tillögu, sem var samþykkt á fundi menntaráðs á dögunum, segir að fyrir utan kosti þess að gera umhverfissjónarmiðum hátt undir höfði í uppeldi og menntun barna og ungmenna, hafi verkefnið einnig kosti frá rekstrarsjónarmiði. Þannig kemur fram að þeir skólar sem ynnu meðvitað að úrgangsmálum greiddu talsvert minna í sorphirðu en skólar sem ekki gerðu slíkt. - þj