Undirbúa sig fyrir sumarið

Vegfarendum á Suðurlandsbraut varð hverft við þegar lögreglumenn á bílum og vélhjólum dreif að byggingu Hótel Nordica upp úr klukkan hálf þrjú í gær. Lögregluliðið safnaðist fljótlega saman á bílastæðinu að baki hótelinu. Almennir borgarar sem urðu vitni að atganginum áttu erfitt með að koma auga á glæpinn í öllu saman enda hafði enginn glæpur verið framinn.

„Við erum bara að æfa okkur fyrir sumarið,“ útskýrði einn lögreglumaðurinn þegar hann kom á vettvang. Fyrr um daginn höfðu lögreglumennirnir æft forgangsakstur á Reykjanesbraut. - gar