Deila um Hof

Stefna Kirkjumálasjóðs gegn íslenska ríkinu var tekin fyrir í Héraðsdómi Reykjavíkur í dag. Um er að ræða endurflutning á máli sem höfðað var vegna ágreinings um það hvort jörðin Hof í Vopnafirði sé eign kirkjunnar eða í eigu íslenska ríkisins. Dómur mun verða kveðinn upp í málinu þann 20. september næstkomandi.

Samkvæmt upplýsingum Vísis eru nokkur mál af þessum toga fyrir dómstólum, en þau snerta einkum jarðir við Vopnafjörð og Þistilfjörð. Málin snerta alls tugþúsundi hektara og því víst að töluverðir hagsmunir eru í húfi.

Það er Ólafur Björnsson sem flytur málið fyrir Kirkjumálasjóð en lögmaður íslenska ríkisins er Andri Árnason.