Makrílstríð: Breskur þingmaður vill viðskiptabann á Íslendinga

Fyrst hrundu bankarnir, svo gaus Eyjafjallajökull og nú ætla Íslendingar að svipta fiskveiðimenn okkar lífsviðurværinu. Svona hljómar fyrirsögnin á frétt Daily Mail um makrílveiðar Íslendinga. Í greininni rifjar Daily Mail upp þorskastríðið og segir Íslendinga haga sér eins og bandóðir víkingar.

„Íslendingar og Færeyingar haga sér eins og forfeður þeirra, víkingarnir, nema nú eru þeir að stela makrílnum okkar," er haft eftir skoska þingmanninum Struan Stevenson.

Deilan hófst þegar Ísland og Færeyjar ákváðu að auka makrílkvótann úr 27 þúsund tonnum í 215 þúsund tonn. Daily Mail greinir frá því að í síðustu viku hafi færeyskur togari, Júpíteur, reynd að landa í Peterhead höfninni á austur Skotlandi en veiðimenn þar á bæ hafi vísað togaranum burt.

Makrílveiðar eru eitt eitt helsta lífsviðurværi skoskra veiðimanna.

Í greininni er jafnframt haft eftir Struan Stevenson að samningsviðræður séu í gangi en skrefið sé stutt í að hefja viðskiptastríð. Hann leggur til að fylgt verði fótspor sjómannana í Peterhead og Íslendingum og Færeyjingum meinað að landa afla sínum.

„Við eigum að loka öllum höfnum Evrópusambandsins fyrir færeyskum og íslenskum skipum, koma á viðskiptabanni við þjóðirnar og sýna þeim að okkur sé alvara."

Hann segir að nota ætti makríl deiluna sem vopn í samningsviðræðum Evrópusambandsins við Ísland.

„Hérna er þjóð sem er komin að samningsborðinu við Evrópusambandið en hvað hafa Íslendinga fært okkur hingað til. Eldgosaösku, fjárhagsvandamál þar sem þeir hafa neitað að borga skuldir sínar. Og nú eru þeir að ráðast á fiskveiðistofna okkar."

Lesa má grein Daily Mail hér.