Talning á útstrikunum hafin - töluvert um breytingar

Talning hófst á breyttum kjörseðlum klukkan tvö í dag að sögn formanns kjörstjórnar sem er Kristín Edwald.

Ekki er hægt að gefa upp hversu margar útstrikanir megi finna á kjörseðlunum eða hvernig strikanir skiptast á milli stjórnmálaflokka.

Að sögn Kristínar þá er töluvert um breytingar á kjörseðlunum.

Hún segir að talningamenn muni telja atkvæði í allan dag og jafnvel fram á kvöld en um ansi mikið verk sé að ræða auk þess sem það sækist seint.

Upplýsingar um það hvernig útstrikanir skiptast á milli flokka ætti að vera ljós nú síðdegis að sögn Kristínar.