Kvenmannslaust Counter Strike-maraþon

Af hundrað og fjörutíu keppendum á tölvuleikjamóti í Counter Strike var engin kvenmaður á meðal þáttakenda. Mótshaldarar segjast hafa orðið fyrir örlitlum vonbrigðum með kynjahlutfallið.

Mótið var á vegum Tvíundar, félags tölvunarfræðinema við Háskólann í Reykjavík og fór fram síðustu helgi. Tuttugu og fimm lið kepptu í tveimur vinsælum skotleikjum, annars vegar Counter-Strike 1.6 og Counter-Strike: Source.

Mótsaðstaðan var opin í tæpa þrjá sólarhringa og segir í tilkynningu að margir spilarar hafi fórnað svefni til að nýta stemminguna á meðan hún gafst. Fimm spilarar stóðu þó uppi sem sigurvegarar, en þeir eru að sjálfsögðu allir karlkyns.