Vísir sýnir beint frá flugeldasýningunni

Vísir og Vodafone verða með beina útsendingu frá flugeldasýningunni á menningarnótt. Umræða um flugeldasýninguna komst í hámæli í ágúst eftir að Jón Gnarr borgarstjóri reifaði þá hugmynd á fésbókardagbók sinni að sleppa flugeldasýningunni þetta skiptið.

Fram til þessa hefur Orkuveita Reykjavíkur fjármagnað flugeldasýninguna en þetta árið er það fjarskiptafyrirtækið Vodafone sem býður Reykvíkingum upp á sýninguna. Flugeldunum verður skotið upp frá Reykjavíkurhöfn en tökumaður Vísis verður staddur á hótel Arnarhvoli við Ingólfsstræti.