Innlent

Halda sér vakandi á kaffinu

Slökkviliðs- og sjúkraflutningamenn að störfum. Mynd/ Pjetur.
Slökkviliðs- og sjúkraflutningamenn að störfum. Mynd/ Pjetur.
Samninganefndir landssambands slökkviliðs- og sjúkraflutningamanna og launanefndar sveitarfélaga eru enn að funda í húsi ríkissáttasemjara. Þeir hafa fundað síðan klukkan 13:30 í dag en hafa þó tekið stutt hlé inn á milli.

Ef ekki næst samkomulag á milli samninganefndanna hefst 16 klukkustunda langt verkfall á morgun, frá klukkan 8 um morguninn fram til miðnættis. Valdimar Leó Friðriksson framkvæmdastjóri Landssambands slökkviliðs- og sjúkraflutningamanna, sagði í samtali við Vísi fyrir stundu að þeir sitji enn við borðið. Ertu bjartsýnn að þið komist að einhverri niðurstöðu? „No comment," segir Valdimar.

Aðspurður hvort að þeir nærist ekki ágætlega, með nóg af mat og orkudrykkjum. „Nei, ekkert svoleiðis það er bara gamla góða kaffið," segir Valdimar brattur.




Tengdar fréttir

Segir slökkviliðsmenn hafna kjarabótum fyrir þá tekjulægstu

Inga Rún Ólafsdóttir, formaður samninganefndar Launanefndar sveitafélaga, segir að slökkviliðs- og sjúkraflutningarmenn hafi hafnað launahækkunum fyrir launalægstu félagsmenn sína þegar þeir höfnuðu kjarasamningum í atkvæðagreiðslu sem forystumenn stéttarfélags þeirra undirrituðu við Launanefndina í fyrrasumar.

Enn karpað um kaup

Fundur Landssambands slökkviliðs- og sjúkraflutningamanna með Launanefnd sveitarfélaga sem hófst klukkan hálfþrjú í dag stendur enn yfir. Einn fundarmanna sem Vísir ræddi við segir ekki hægt að spá fyrir um hversu lengi hann muni standa.

Reyna að koma í veg fyrir annað verkfall

Slökkviliðs- og sjúkraflutningamenn hefja sextán klukkustunda langt verkfall á föstudaginn takist ekki samningar á fundi sem boðaður hefur verið á morgun. Sverrir Björn Björnsson, formaður Landssambands slökkviliðs- og sjúkraflutningamanna, segir enga formlega fundi hafa verið haldna frá síðasta verkfalli. Hann sé hins vegar alltaf bjartsýnn á að niðurstaða fáist.

Saka viðsemjendur um rangfærslur

Slökkviliðs- og sjúkraflutningamenn saka Launanefnd sveitarfélaga um rangfærslur í umræðum um kjaramál þeirra. Segja þeir að þær launaupphæðir sem Launanefndin fullyrði að slökkviliðs- og sjúkraflutningamenn hafi séu þeim sjálfum ókunnugar. Launatölur sem LSS hafi látið fjölmiðlum í té séu byggðar á tölum úr launaseðlum slökkviliðsmanna.

Mest lesið


Fleiri fréttir

Sjá meira


×

Mest lesið