Innlent

Hnífamaður á Hvanneyri var látinn laus að loknum yfirheyrslum

Jón Hákon Halldórsson skrifar
Landbúnaðarháskólinn á Hvanneyri.
Landbúnaðarháskólinn á Hvanneyri.
Maðurinn sem hélt samnemendum sínum í gíslingu í herbergi á nemendabústöðunum á Hvanneyri í fyrrinótt var látinn laus eftir yfirheyrslur hjá lögreglu í gær. Maðurinn ógnaði fólkinu með hnífi eins og Vísir greindi frá í gær.

Málið er litið alvarlegum augum í skólanum og fengu nemendur sem urðu vitni að því áfallahjálp. Ágúst Sigurðsson, rektor skólans, sagðist í samtali við Vísi í gær að hann byggist fastlega við því að umræddur nemandi yrði rekinn úr skólanum.

Í frétt á fréttavefnum Pressunni kemur fram að manninum hafi nú þegar verið vísað úr skólanum.


Tengdar fréttir

Manninum líklega sleppt að loknum yfirheyrslum

Maðurinn sem var handtekinn á Hvanneyri í nótt grunaður um að hafa haldið fjórum samnemendum sínum við Landbúnaðarskólann á Hvanneyri í gíslingu er í enn í yfirheyrslum hjá lögreglunni í Borgarnesi. Að sögn yfirlögregluþjóns verður honum væntanlega sleppt innan tíðar. Vefmiðillinn Pressan segir að maðurnn sé á skilorði, hann hafi verið dæmdur fyrir líkamsárás á Akureyri í fyrra. Þetta fæst hinsvegar ekki staðfest hjá lögreglunni í Borgarnesi.

Rektorinn á Hvanneyri: Þetta verður ekki liðið

Nemendur og starfsfólk við Landbúnaðarháskólann á Hvanneyri er miður sín eftir að nemandi við skólann tók fjóra samnemendur sína í gíslingu í nótt og hótaði þeim með hnífi.

Gíslataka á Hvanneyri - maðurinn enn í haldi

Maður vopnaður hnífi hélt fjórum nemendum við Landbúnaðarháskólann á Hvanneyri í gíslingu í nótt. Lögregla fékk tilkynningu um málið um klukkan hálfþrjú og fór strax á vettvang.

Mest lesið


Fleiri fréttir

Sjá meira


×

Mest lesið