Robbie Williams snýr aftur

Popparinn Robbie Williams ætlar að taka upp nýja plötu með fyrrum félögum sínum í strákabandinu Take That. Hún er væntanleg í nóvember. Robbie hætti í Take That árið 1995 og hóf vel heppnaðan sólóferil. Robbie og Take That ætla að starfa saman í eitt ár og fara í tónleikaferð til að fylgja plötunni eftir.

 „Ég verð ótrúlega spenntur þegar við fimm erum saman í herbergi. Mér líður eins og ég sé kominn heim,“ sagði Robbie. Hann söng síðast með sveitinni í útgáfu hennar á lagi REM, Evereybody Hurts, til styrktar fórnarlömbum jarðskjálftans á Haítí.