Biðja Ögmund að styðja ECA

Bæjarráð Garðs lýsir yfir stuðningi við ECA-flugþjónustuverkefnið og skorar á Ögmund Jónasson samgönguráðherra að veita því brautargengi. Það muni stuðla að fjölbreytni í atvinnusköpun á Suðurnesjum og nýta verðmæti sem liggi í aðstöðunni á Keflavíkurflugvelli.

„Undirbúningur verkefnisins hefur lengi staðið yfir og mun skapa vel launuð störf á Suðurnesjum fyrir 100 til 150 manns og að auki allt að 100 störf á framkvæmdatíma vegna bygginga flugskýla og aðstöðu fyrir verkefnið,“ segir í áskorun bæjarráðs sveitarfélagsins Garðs.- gar