Fjárdráttur úr sjóðum starfsmannafélags

Tæplega fertug kona hefur verið dæmd í héraðsdómi í þriggja mánaða skilorðsbundið fangelsi fyrir að draga sér tæplega eina milljón króna úr sjóði starfsmannafélags Íbúðalánasjóðs. Konan gegndi starfi formanns starfsmannafélagins þegar þetta gerðist.

Í dóminum kemur fram að konan lét millifæra í 32 skipti peninga af reikningi félagsins inn á bankareikninga sína og ráðstafaði peningunum í eigin þágu. Hún játaði brot sitt.

Konan hefur ekki gerst sek um refsiverða háttsemi áður svo kunnugt sé. Henni var gert að endurgreiða starfsmannafélaginu.- jss