Óvissuástand þegar vélarbilun varð í stórum frystitogara

Óvissusástand skapaðist þegar skyndilega drapst á aðalvél í stórum frystitogara, með hátt í 30 manna áhöfn, þegar hann var staddur út af Gjögri, nyrst á Vestfjarðakjálkanum í gær.

Togarinn var þá aðeins þrjár og hálfa sjómílu undan landi og var nálægum skipum beint í átt að honum, ef hann þyrfti aðstoð við að komast til hafnar.

Eftir um það bil tvær klukkustundir höfðu vélstjórarnir fundið bilunina og komið vélinni aftur í gang, og hélt togarinn áfarm veiðiferð sinni.