Hitaveitan 80 ára í dag

Áttatíu ár eru liðin í dag frá því heitu vatni var hleypt á Laugaveituna, fyrstu hitaveituna í Reykjavík.

Það var Austurbæjarskólinn við Barónsstíg sem fyrst naut heita vatnsins sem veitt var úr grunnum borholum við Þvottalaugarnar í Laugardal. Á þessum 80 árum hefur vatnstakan breiðst út um lághitasvæði í höfuðborginni og grannsveitum, yfir á háhitasvæðið við Hengilinn og eftir nokkrar vikur hefst framleiðsla á heitu vatni í Hellisheiðarvirkjun.

Samkvæmt upplýsingum frá Orkuveitu Reykjavíkur mun fyrirtækið minnast afmælisins í næsta mánuði þegar ný hitaveita frá Hellisheiðarvirkjun verður tekin í notkun.