Varað við stormi

Spáð er stormi á landinu og segir Vegagerðin að víða sé þegar orðið mjög hvasst í vindstrengjum. Það séu því alls ekki aðstæður til að ferðast með hjólhýsi, kerrur eða önnur tæki sem þola lítinn vind.

Samkvæmt spá Veðurstofu Íslands er gert ráð fyrir vaxandi norðanátt á landinu, víða verði 15-23 m/s síðdegis. Úrkomulítið sunnan- og vestanlands, annars rigning og talsverð úrkoma á norður- og norðausturlandi. Hiti verði á bilinu 7 til 13 stig.

Á morgun er gert ráð fyrir norðanátt og 10-18 vindstigum, hvassast verði austantil. Rigning verði norðaustantil, en bjartviðri sunnanlands og vestanlands.