Sigríður Elsa til Ríkislögreglustjóra

Sigríður Elsa Kjartansdóttir lögfræðingur hefur verið skipuð saksóknari hjá efnahagsbrotadeild Ríkislögreglustjóra.

Sigríður hefur undanfarið verið saksóknari hjá Ríkissaksóknara en mun starfa með Helga Magnúsi Gunnarssyni saksóknara efnahagsbrota fram til áramóta. „Þetta leggst mjög vel í mig," segir Sigríður Elsa, sem hefur helst unnið að saksókn í kynferðisbrotamálum, fíkniefnamálum og alvarlegum líkamsárásarmálum í starfi sínu hjá Ríkissaksóknara.

„Þetta verða öðruvísi mál heldur en ég hef verið í undanfarið, en það er ágætis tilbreyting að fara um tíma í þessi mál," segir Sigríður Elsa. Hún bendir þó á að Ríkissaksóknari er æðra stig ákæruvaldsins en Ríkislögreglustjóri. Þetta þýði að Ríkissaksóknari hafi verið að endurskoða ákvarðanir Ríkislögreglustjóra. „Þannig að þessi mál eru svo sem ekkert ókunnug mér," segir Sigríður Elsa. Hún segir ekkert víst hvað verði um sig eftir áramót. Það kunni þó að vera að starf hennar hjá Ríkislögreglustjóra verði framlengt