Borgarbóksafnið í málverkaleit

Artótek í Borgarbókasafni auglýsir um þessar mundir eftir myndlistarmönnum til að sýna verk sín næsta vetur. Umsóknarfrestur rennur út 7. júní, segir í tilkynningu.

Undanfarin ár hefur á þriðja tug myndlistarmanna haldið sýningar á verkum sínum hjá Artótekinu. Sýningarnar eru á Reykjavíkurtorgi sem er fjölnota rými í Borgarbókasafni Tryggvagötu 15. Í tengslum við sýningarnar hefur Artótekið gefið út kynningarbækling um viðkomandi listamenn. Sýningarnar eru ætlaðar þeim listamönnum sem hafa verk sín í Artótekinu.

Artótekið hefur starfað frá árinu 2004 og leigir og selur íslenska myndlist til einstaklinga og fyrirtækja. Það er samstarfsverkefni SÍM (Sambands íslenskra myndlistarmanna) og Borgarbókasafns Reykjavíkur.