Barnaníðingur á áttræðisaldri í tveggja ára fangelsi

Hæstiréttur Íslands staðfesti í dag tveggja ára fangelsisdómi yfir Sveinbirni Tryggvasyni fyrir að misnota stúlku frá fjórtán ára aldri til átján ára.

Sveinbjörn, sem er á áttræðisaldri, var dæmdur fyrir að hafa tælt stúlkuna með gjöfum, meðal annars peningum, skartgripum og fatnaði, og með því að nýta sér yfirburði sína gagnvart henni vegna aldurs- og þroskamunar, til að hafa við sig nánast daglega samræði og önnur kynferðismök á heimili sínu.

Utan þess að maðurinn misnotaði stúlkuna hrottlega, meðal annars með því að þröngvað banana og hjálpartækjum kynlífs inn í leggöng stúlkunnar, þá tók hann misnotkunina upp að sögn stúlkunnar.

Dómurinn er óskilorðsbundinn. Manninum er gert að greiða stúlkunni tólf hundruð þúsund krónur en Hæstiréttur úrskuraðaði að einkaréttarkrafa stúlkunnar skyldi bera vexti frá 5. mars 2008 til 27. júní 2009.