Attac taka þátt í menningarnótt

Samtökin Attac á Íslandi sem barist hafa fyrir því að bönd verði sett á fjármálastarfsemi taka þátt í dagskrá menningarnætur. Samtökin hafa tekið höndum saman við aðstandendur undir­skriftasöfnunarinnar orkuaudlindir.is. Meðal listamanna sem koma fram á vegum samtakanna eru KK og Ómar Ragnarsson.

Skúli Gautason, fulltrúi viðburða hjá Höfuðborgarstofu, telur ekki orka tvímælis að pólitísk samtök taki þátt í Menningarnótt. Hann segir alla mega taka þátt, án tillits til stjórnmálaskoðana, svo lengi sem settir væru upp menningarviðburðir. - mþl