Útvarpsstjóri boðar til starfsmannafundar

Páll Magnússon, útvarpsstjóri, hefur boðað starfsmenn Ríkisútvarpsins til fundar klukkan eitt. Tilefni fundarins er ástand og horfur í rekstri Ríkisútvarpsins.

Rætt hefur verið um níu prósenta sparnað í rekstrinum á næsta rekstrarári Rúv sem byrjar í september. Spaugstofan hefur verið tekin af dagskrá og í morgun fréttist að þátturinn Orð skulu standa, sem sendur hefur verið út á rás eitt, verði einnig lagður niður. Stærstur hluti tekna Rúv kemur af svonefndnum nefskatti, en hluti hans var tekinn til annarra þarfa ríkisins á seinasta rekstrarári.

Starfsmönnum Ríkisútvarpsins hefur fækkað um fjörutíu til fimmtíu á undanförnum misserum.