Fyrirtökunni frestað - Ragnar segir dómara vanhæfan

Fyrirtöku í máli níumenningana svokölluðu sem ákærðir eru fyrir árás á Alþingi var frestað í morgun. Ragnar Aðalsteinsson, lögmaður fjögurra sakborninga í málinu, lagði fram kröfu um að dómarinn í málinu víki sæti vegna vanhæfis og að málinu verði vísað frá.

Rök Ragnars fyrir vanhæfinu eru meðal annars þau að dómarinn hafi ákveðið í samstarfi við dómstjóra héraðsdóms að kalla til lögreglu.

Krafa Ragnars verður tekin fyrir áður en fyrirtakan fer fram og verður úrskurður kveðinn upp fljótlega. Fullt var út úr dyrum í dómsalnum í morgun og voru um 30 manns fyrir utan héraðsdóm þar sem lögregla meinaði þeim aðgangi inn í húsið.