Besta borgin á gamlárskvöld: Reykjavík í fjórða sæti

Ný könnun leiðir í ljós að Reykjavík er í fjórða sæti yfir borgir sem ferðamenn vildu helst eyða gamlárskvöldi í. Barcelona lenti í fyrsta sæti og Edinborg og London fylgja í kjölfarið. Þá er röðin komin að Íslandi og París nær fimmta sætinu. Könnunin náði til rúmlega þúsund manna sem tóku þátt á síðunni Skyscanner.

Barcelona fékk 12 prósent atkvæða og Reykjavík 9 prósent, en borgin þykir spennandi áfangastaður. Á vefritinu Travel Daily News segir að í Reykjavík hefjist kvöldið á því að innfæddir fari á brennur og fylgist með flugeldasýningum á miðnætti. Síðan sé haldið niður í bæ þar sem partýhöld lifa fram eftir nóttu og til klukkan fimm um morguninn. Annar bónus eru svo norðurljósi sem hægt er að virða fyrir sér á Íslandi.

Tíu vinsælustu borgirnar eru:

1. Barselóna
2. Edinborg
3. London
4. Reykjavík
5. París
6. Amsterdam
7. Berlín
8. Feneyjar
9. Prag
10. Róm