Haldin þunglyndi og dauðahugsunum eftir nauðgun

Karlmaður á sextugsaldri var í Héraðsdómi Norðurlands eystra í dag dæmdur í átján mánaða fangelsi fyrir nauðgun.

Atvikið átti sér stað í janúar á þessu ári. Konan var sofandi og gat ekki spornað við verknaði mannsins sökum ölvunar en þau bjuggu í sama húsi ásamt systur konunnar. Maðurinn neitaði sök. Auk þess sem hann var dæmdur í átján mánaða fangelsi skal hann einnig greiða konunni 800 þúsund krónur í miskabætur.

Samkvæmt læknisvottorði sem lagt var fyrir dóminn olli atvikið konunni miklum kvíða og vanlíðan. Sjálfsmat hennar hrapaði og hún glímdi við svefnleysi, þunglyndi og dauðahugsanir.