Færðu svæfingadeildinni gjafir

Kvenfélagið Hringurinn færði svæfingadeild Landspítala Hringbraut veglegar gjafir í byrjun vikunnar. Um var að ræða fjóra súrefnismettunarmæla til þess að mæla súrefnismettun hjá börnum. Mælarnir eru mjög nákvæmir og byggja á nýrri tækni.

„Þeir henta vel til notkunar hjá mjög veikum einstaklingum. Þar má nefna mjög kalda sjúklinga sem koma inn vegna hjartastopps, við hjartaaðgerðir og hjá sjúklingum í losti vegna blóðtaps eða sýkinga," að því er fram kemur í tilkynningu frá Landspítalanum.

Við sama tækifæri afhenti kvenfélagið Hringurinn forrit í sprautudælu til notkunar við flóknar barnasvæfingar.