Verkfallsaðgerðir gætu skyggt á menningarnótt

Verkfallsaðgerðir slökkviliðsmanna gætu skyggt á hátíðarhöldin á menningarnótt. Þetta segir aðstoðarslökkviliðsstjóri Slökkviliðs höfuðborgarsvæðisins.

Menningarnótt er löngu orðinn einn stærsti viðburður ársins og safnast tugþúsundir saman í miðbænum til kveðja sumarið, njóta menningar, sýna sig og sjá aðra. Birgir Finnsson, aðstoðarslökkviliðsstjóri segir þó tilefni til að hafa áhyggjur.

„Eins og það lítur út í dag, verður þetta yfirvinnubann, sem er hluti af þessum verkfallsaðgerðum, sem þýðir að við getum ekki kallað til aukamannskap og haft á menningarnótt eins og við höfum haft undanfarin ár. Þannig að það er bara vaktin sem slík, þrjár slökkvistöðvar sem við erum með sem eru til staðar," segir Birgir og bætir við: -

"Það er ástæða fyrir því að við höfum verið að bregðast við því með því að bæta við mannskap og reyna að vera hreyfanlegir svo við lokumst ekki inni og eigum greiðar akstursleiðir á sem flestum stöðum, þannig að það að geta ekki verið með þennan mannskap er mjög bagalegt. og leiðinlegt að þessar aðgerðir skyggi á annars góða menningarnótt.

Birgir hvetur bæjarbúa til að leggja ekki bílum sínum ólöglega. Mikilvægt sé að akstursleiðir séu greiðar.

"við höfum í gegnum árin haft áhyggjur af því hvernig lokunum og lagningum bíla verður háttað. við höfum átt í vandræðum með aðkomu í ákveðnum hverfum, við fögnum því þegar farið var að bjóða ókeypis í strætó, leggja og ganga í miðbæinn, ennþá mikilvægara núna þó svo þetta hafi verið vandamál, að fólk nýti sér bílastæði, og strætó, svo akstursleiðir séu greiðfærar fyrir okkur og hægt er."