Hafró verður skipt upp vegna breytinga á Stjórnarráðinu

Hafrannsóknarstofnun verður skipt upp þegar sameinað atvinnuvegaráðuneyti tekur til starfa og umhverfisráðuneytið verður að umhverfis- og auðlindaráðuneyti. Samkvæmt heimildum Vísis úr Stjórnarráðinu munu hafrannsóknir þá falla undir umhverfis- og auðlindaráðuneytið en ákvörðun um aflamark verður tekið í atvinnuvegaráðuneytinu.

Jóhanna Sigurðardóttir hefur sagt að miðað væri við það að ný ráðuneyti tækju til starfa snemma á árinu 2010 og samkvæmt heimildum Vísis er unnið að því að undirbúa þessar breytingar og að aðlaga Stjórnarráðið að þeim breytingum sem voru gerðar með reglugerð þann 18. september 2009.