Gillz uppseldur hjá útgefanda

„Staðan á bókinni er þannig að hún er uppseld hjá útgefanda en það liggja eintök hér og þar í búðunum," svarar Egill Gillz Einarsson aðspurður um söluna á bókinni hans Mannasiðir.

„Það er ljóst að færri fá Mannasiðabók en vildu og það þykir mér gríðarlega leiðinlegt."

„Ég get ekki verið annað en ánægður með hvernig salan hefur gengið."

„Ég vissi nú alltaf að þetta myndi ganga vel en ég bjóst ekki við þessu samt," segir Gillz spurður hvort hann er sáttur við sigurgöngu bókarinnar.

„Það er mjög góð tilfinning að vera orðinn metsöluhöfundur og þetta er vítamínsprauta fyrir mig sem rithöfund. Ég mun leggja enn meiri metnað í næstu bók mína í ritröðinni íslensk öndvegisrit Gillz."

„Ég vil síðan enda á því að óska landsmönnum til sjávar og sveita gleðilegra jóla og farsældar á komandi ári," segir hann að lokum.