Spennt fyrir Hangover 2

Heather Graham segist ekki geta beðið eftir að leika í framhaldsmynd af kvikmyndinni The Hangover. Leikkonan segist eiga eftir að sjá handritið, en hlakkar til að leika óléttan strippara. Í viðtali við vefsíðuna Eonline.com segist leikkonan þegar vera farin að gefa handritshöfundinum Todd Phillips hugmyndir fyrir karakter sinn, Jade.

„Ég held að Stu ætti að barna hana og svo ætti hún að dansa óléttu-strippdans," segir hún og brosir. „Ég veit að það hljómar illa, en það er samt svo rétt," bætir hún við. Þá segist hún gjarnan vilja sjá gæsun í næstu mynd í stað steggjunar. „Ég held að það væri mjög skemmtilegt. Það þarf einhver að skrifa handrit að þeirri mynd," segir Graham.