West Ham og Millwall kærð vegna óláta stuðningsmanna

Ensku knattspyrnusambandið hefur kært félögin West Ham og Millwall vegna óláta sem urðu í tengslum við leik liðanna í deildarbikarnum 25. ágúst en West Ham vann leikinn 3-1 í framlengingu. Liðin eru nágrannalið í London og höfðu ekki mæst síðan í apríl 2005.

Bæði félögin eru sökuð um það að hafa ekki gert nóg í að halda aftur af stuðningsmönnum sem létu öllum illum látum, köstuðu flugskeytum inn á völlinn, hlupu inn á völlinn og höfðu uppi kynþáttarníð gagnvart leikmönnum beggja liða. West Ham fékk á sig fjórar kærur en Millwall þrjár.

Það voru líka fréttir af því að 200 sæti og klósett hafi verið eyðilagt á þeim stað á vellinum þar sem stuðningsmenn útiliðsins voru. Eftir leikinn var stuðningsmaður Millwall stunginn þegar aðdáendur félaganna lenti saman fyrir utan völlinn.

Forráðamenn Millwall segjast ekkert skilja af hverju þeir fá á sig þessar kærur og neita öllum ásökunum. Forráðamenn West Ham ætla að fara vel yfir ákærurnar á sig.