Skrifar varnarmistökin á þreytu

Arsene Wenger kennir þreytu varnarmanna sinna um mörkin fjögur sem lið hans fékk á sig á Anfield í gær, en þau voru nokkur af ódýrari gerðinni.

Arsenal hefur vissulega verið í vandræðum með heilsufarið á varnarmönnum sínum og því hefur verið nokkuð álag á þeim sem staðið hafa vaktina að unanförnu.

"Ég er ekki ánægður með varnarleikinn okkar en ég held að þeir hafi verið dálítið þreyttir vegna álagsins undanfarið. Við höfum ekki mikla breidd í vörninni," sagði Wenger.