Petrov bjargaði stigi fyrir City

Manchester City náði jafntefli gegn Wigan í síðari leik dagsins í ensku úrvalsdeildinni þó svo að liðið hafi misst mann af velli með rautt spjald.

Smelltu hér til að sjá samantekt úr leiknum.

Charles N'Zogbia kom Wigan yfir í uppbótartíma fyrri hálfleiks eftir að Shay Given, markvörður City, varði skot Hugo Roddallega.

En strax í upphafi síðari hálfleiks náði Petrov að jafna metin fyrir City með laglegu skoti eftir góðan undirbúning Carlos Tevez.

Pablo Zabaleta, leikmaður City, fékk svo að líta rauða spjaldið á 65. mínútu fyrir að hafa fengið tvær áminningar í leiknum.

En það tókst Wigan ekki að færa sér í nyt og niðurstaðan því 1-1 jafntefli.

City er í fmmta sæti deildarinnar með sextán stig en Wigan, sem vann Chelsea í síðasta heimaleik sínum í deildinni, er í tólfta sæti með níu stig.