Ferguson: Owen getur vel komist á HM

Alex Ferguson, stjóri Manchester United, er þess fullviss að Michael Owen, leikmaður United, geti vel unnið sér sæti í enska landsliðshópnum fyrir heimsmeistarakeppnina í Suður-Afríku næsta sumar.

Owen er ekki ofarlega í goggunarröðinni hjá Fabio Capello landsliðsþjálfara. Wayne Rooney, Emile Heskey, Peter Crouch, Jermein Defoe og Carlton Cole virðast allir vera ofar í henni en Owen.

Ferguson hefur þó ekki afskrifað möguleika Owen. „Ég held að það séu enn 2-3 sæti laus í hópnum,“ sagði hann. „Michael á góðan möguleika því hann er framherji og Englendingar eiga ekki marga slíka.“

„Carlton Cole hefur verið að spila vel og ekki skemma mörkin sem Peter Crouch hefur verið að skora fyrir. Ég held að þeir muni fara til Suður-Afríku ásamt Wayne Rooney og þá er pláss fyrir einn í viðbót.“