Miley gæti fengið Óskar

Óskarsakademían birti í vikunni lista yfir lög sem eiga möguleika á Óskars­tilnefningu. 63 lög eru á listanum og þar á meðal er Disney-barnastjarnan Miley Cyrus.

Miley samdi lagið Don't Walk Away ásamt John Starks og Hillary Lindsay fyrir kvikmyndina Hannah Montana. Hún er þar með komin í samkeppni við marga af helstu smellahöfundum heims og vinkonu sína, Taylor Swift.

Ljóst er að ef hún Miley yrði tilnefnd myndi það vekja gríðarlega athygli. Þrátt fyrir ungan aldur er hún mjög umdeild og erlendir fjölmiðlar myndu hafa nóg að gera að fjalla um valið.