Sótti um skilnað

Tímaritið National Enquirer flutti í október frétt af því að Mathew Knowles, faðir og umboðsmaður söngkonunnar Beyonce, hafi feðrað barn utan hjónabands. Kanadísk kona hafði komið fram og sagst hafa átt í stuttu sambandi við Mathew og fór fram á faðernispróf til að sanna að Mathew væri í raun faðir barns hennar. Vefritið TMZ segir frá því að Tina Knowles, eiginkona Mathews, hafi sótt um skilnað eftir 29 ára hjónaband.

Tine og Mathew eiga saman dæturnar Beyonce og Solange. Auk þess rekur Tina tískufyrirtækið House of Dereon ásamt Beyonce.

Mathew Knowles hefur mikið verið gagnrýndur af fyrrum meðlimum Destiny‘s Child og sakaður um óprúttna viðskiptahætti. TMZ gerir ráð fyrir að Tina Knowles muni fara fram á helming eigna Mathews en muni reyna að halda sínum hlut í House of Dereon óbreyttum.