Cahill: Spyrjið frekar O'Neill hvort hann hafi gert mistök

Varnarmaðurinn Gary Cahill hefur slegið í gegn hjá Bolton eftir 5 milljón punda félagaskipti sín frá Aston Villa í janúar í fyrra.

Cahill hefur síðan þá unnið sig inn í landsliðshóp Englands og verið orðaður við stórlið á borð við AC Milan, Juventus og Manchester United.

Cahill var spurður á blaðamannafundi fyrir leik Englands gegn Úkraínu í undankeppni HM 2010 hvort að knattspyrnustjórinn Martin O'Neill hjá Aston Villa hafi gert mistök að láta sig fara frá félaginu.

„Spyrjið frekar O'Neill hvort að hann hafi gert mistök. En gera ekki allir mistök," sagði Cahill og hló við.