Styttist í endurkomu Arteta með Everton

Miðjumaðurinn Mikel Arteta hjá Everton er óðum að ná sér eftir að hafa orðið fyrir hnémeiðslum í leik gegn Newcastle 22. febrúar.

Spánverjinn er búinn að vera í strangri endurhæfingu síðan þá en varð fyrir áfalli í síðasta mánuði þegar hann þurfti að fara í aðra aðgerð á hnénu. Nú eru hins vegar blikur á lofti um að hann geti snúið aftur á völlinn innan sex vikna.

„Arteta er búinn að vinna gríðarlega mikið til þess að snúa aftur eins fljótt og mögulegt er með Everton. Hugsanlega varð hann einum of kappsamur og því losnuðu saumar í hnénu og hann þurfti að fara í aðra aðgerð en það gekk allt samnan vel og það er ekki langt í endurkomuna," segir sjúkraþjálfarinn Mick Rathbone hjá Everton í viðtali við Liverpool Daily Post.