Juventus stefnir á að bjóða í Mascherano í janúar

Samkvæmt heimildum breska götublaðsins The Sun ætlar ítalska félagið Juventus að freista þess að kaupa miðjumanninn Javier Mascherano.

Juventus er sagt reiðubúið að reiða fram 23 milljónir punda fyrir argentínska landsliðsmanninn en knattspyrnustjórinn Rafa Benitez hjá Liverpool hefur hingað til ekki verið hrifinn af þeirra hugmynd að missa Mascherano og neitaði Barcelona um að kaupa hann síðasta sumar.

Mascherano er samningsbundinn Liverpool til ársins 2012 en er sagður ósáttur hjá félaginu eftir að Xabi Alonso hvarf á braut en þeir félagar mynduðu saman eitt sterkasta miðjumannapar í ensku úrvalsdeildinni og þótt víðar væri leitað.