Yeung búinn að ganga frá yfirtöku sinni á Birmingham

Kaupsýslumaðurinn Carson Yeung og fjárfestingarfyrirtækið Grandtop International Holdings hafa gengið frá yfirtöku á yfir níutíu prósenta hlut í enska úrvalsdeildarfélaginu Birmingham en kaupverðið er talið nema um 81,5 milljónum punda.

Yeung tókst nú að ganga frá því sem hann hóf árið 2007 þegar hann bauð fyrst í félagið en með yfirtökunni lýkur sextán ára samstarfi meðeigandans David Sullivan og forstjóranum Karren Brady en meðeigandinn David Gold verður áfram hjá félaginu sem stjórnarformaður.

Nýliðar Birmingham eru sem stendur í fjórtánda sæti deildarinnar en Yeung hefur þegar lýst yfir ánægju sinni með störf knattspyrnustjórans Aelx McLeish.