Prinsinn nálgast yfirtöku á stórum hlut í Liverpool

Prinsinn Faisal bin Fahd bin Abdullah frá Sameinuðu arabísku furstadæmunum hefur staðfest að hann sé nú nálægt því að ganga frá samkomulagi við meðeigandann George Gillett hjá Liverpool um kaup á stórum hlut í enska félaginu.

„Viðræður eru enn í gangi og við sjáum nú fyrir endan á þessu þannig að þetta gæti gengið formlega í gegn á næstu dögum," lét prinsinn hafa eftir sér en hann er í forsvari fyrir fjárfestingarfyrirtækið F6 sem stendur að kaupunum.

Gillett ferðaðist til Sameinuðu arabísku furstadæmanna í vikunni til viðræðna við prinsinn en hann og hinn meðeigandinn Tom Hicks hafa verið að leita eftir fjármagns innspýtingu inn í félagið eftir að hafa grynnkað á skuldum þess síðasta sumar.

Þá stefnir félagið einnig á að byggja nýjan leikvang á Stanley Park svæðinu í Liverpool-borg en framkvæmdum var slegið á frest eftir að fjármálakreppan skall á.