Van Persie hefur ýkt viðbrögð

Robin van Persie, leikmaður Arsenal, viðurkennir að hann hafi ýkt sín viðbrögð þegar andstæðingar hafa brotið á honum.

Þetta sagði hann í samtali við enska fjölmiðla og taldi að hann hefði rétt á því að sýna dómaranum að það hafi verið brotið á sér.

„Þetta er í raun ekki leikaraskapur. Maður vill bara láta vita að það hafi verið brotið á sér," sagði van Persie. „Ég ætla mér aldrei að láta mig detta án þess að snerting á sér stað. Ég er á móti leikmönnum sem gera það."

Liðsfélagi hans, Eduardo, var dæmdur í tveggja leikja bann í Meistaradeildinni eftir að honum var gefið að sök að hafa látið sig detta í leik gegn Celtic.

Arsenal áfrýjaði dómnum og var banninu aflétt.