24 liggja inni vegna svínaflensu

Útbreiðsla svonefndrar svínaflensu er hröð og bárust um 1000 tilkynningar um inflúensulík einkenni í síðustu viku, sem er tvöföldun frá því vikunni á undan. Langflestir ná sér með því að vera rúmliggjandi og fara eftir ráðleggingum lækna, en þó voru 24 inniliggjandi á Landspítalanum í gær, þar af fjórir á gjörgæslu. Sá sem lengst hefur legið á gjörgæslu hefur verið þar í um tvær vikur.

Bólusetning heilbrigðisstarfsmanna, sem hófst fyrir helgi, gengur vel. Stefnt er að því að hefja bólusetningu á starfsfólki í öryggisþjónustu á næstu dögum og á sjúklingum í forgangshópum og barnshafandi konum í fyrstu vikunni í nóvember. Vonast er til að 75.000 manns verði bólusettir til loka nóvember.