Guðjón og félagar áfram á sigurbraut

Crewe fer vel af stað í ensku d-deildinni og með 1-0 sigri gegn Hereford í dag en eina mark leiksins skoraði Billy Jones á 37. mínútu.

Knattspyrnustjórinn Guðjón Þórðarson getur verið ánægður með byrjunina á tímabilinu hjá Crewe sem hefur unnið fjóra af fyrstu fimm leikjum sínum í deildinni og haldið markinu hreinu í þremur leikjum.

„Það var frábært að finna stuðning áhorfenda og ég held að hann hafi hjálpað okkur í gegnum þennan leik. Við hefðum samt mátt nýta færin okkar betur en vörnin hélt í dag og það er gríðarlega mikilvægt," sagði Guðjón í leikslok í dag.