Elskar eggjapúns

Nicole Richie frumsýndi nýja skartgripalínu sína, House of Harlow, fyrir stuttu. Á kynningarkvöldinu skartaði Richie að auki nýrri hárgreiðslu og dekkri háralit en áður.

„Ég lita á mér hárið reglulega, en hafði ekki gert það í nokkurn tíma núna af því það er einfaldlega of mikið að gera hjá mér núna þegar börnin eru orðin tvö," útskýrði Richie sem ætlar að halda jólin hátíðleg með fjölskyldu sinni.

„Við erum ekki með margar fjölskylduhefðir. En undanfarið hef ég keypt eitt jólaskraut árlega og ég ætla að halda mig við það. Mér finnst eggjapúns líka mjög gott, þannig að ég mun búa það til. Ég hef komist að því að flestum finnst eggjapúns vont, en mér finnst það æði."